/
Seattle (Vaŝingtonio)
El Vikipedio
- (Ekzistas aparta artikolo pri la indiana Ĉefo Seattle.)
Seattle ([si-AT-el], esperante Seatlo) estas havenurbo en la nordokcidenta angulo de Usono, en la ŝtato Vaŝingtonio, proksime de la kanada landlimo. Ĝi situas ĉe koordinatoj Koordinatoj: .
Nun la 24-e plej granda usona urbo, Seatlo prisetliĝis en 1851 (sub la nomo "New York Alki", t.e. "Estonta Novjorko" en ĉinuka piĝino) kaj ludis grandan rolon en la Alaska or-manio en 1897. La nomo Seattle devenas de la Ĉefo Seattle, tribestro de la indianoj duwamish kaj suquamish, kiu iĝis fama pro sia parolado.
Seatlo estas la plej multnombre loĝata urbo en nordokcidenta Usono, kaj la administra sidejo de Kantono King.
Kromnomata la Smeralda Urbo, Seattle estas la sidejo de mondfamaj kompanioj kiel Boeing (nu, ekse; la sidejo antaŭ pluraj jaroj translokiĝis al Ĉikago), Starbucks, kaj Amazon.com. (Cetere, la sidejo de Microsoft estas en Redmond apud Seatlo.) Seattle ankaŭ estas konata kiel hejmo de alternativa muziko. La plej rekonebla konstruaĵo de Seattle estas la Space Needle (Kosma Kudrilo), konstruita pro la Internacia ekspozicio de 1962. La profesiaj sportteamoj de Seattle estas la Mariners (bazpilko), Seahawks (usona futbalo), kaj Supersonics (korbopilko).
En decembro 1999, la tie okazanta kunveno de Monda Organizaĵo Komerca (M.O.K.) fiaskis pro kontraŭeco inter la "nordaj" kaj "sudaj" landoj kaj pro amasaj manifestacioj. En tiu okazo kelkaj alternativaj ĵurnalistoj fondis la tutteran movadon Indymedia; ankaŭ kelkaj aktivuloj, kiel ekzemple la franca José Bové, iĝis monde konataj. Oni ĝenerale taksas, ke tiuj eventoj (je la "mateniĝo" de la 21-a jarcento) markis la komencon de tutmonda ondo da manifestacioj, movadoj, luktoj kontraŭ la ĝis nun regantaj tendencoj ĉe kapitalismo kaj registaroj, kaj de alternativaj pripensoj, nun konataj sub la nomo Alimondismo. Tial tiu nomo iĝis de tiam ia simbolo.
En Seattle vivis kaj movadis Wayne Jackson.
Loĝantaro (2000): 563.374 (3,5 milionoj en la urba regiono).
[redakti] Eksteraj ligiloj
 |
 |
 |
![Dosiero:Ride prater vienna austria.jpg [eo]](/eo/wiki/Dosiero:Ride_prater_vienna_austria.jpg.html){kind=link}